ملت ایکسپریس میں ریلوے پولیس اہلکار کے خاتون پر تشدد کی ویڈیو وائرل ہونے کے بعد ڈی آئی جی ریلوے عبداللہ شیخ کے حکم پر درندہ صفت پولیس اہلکار کو گرفتار کر لیا گیا۔
تفصیلات کے مطابق وائرل ویڈیو میں دیکھا جا سکتا ہے کہ ریلوے پولیس اہلکار چلتی ٹرین میں بچوں کے سامنے خاتون پر تشدد کررہا ہے جبکہ دوسرے مسافر خاموش تماشائی بن کر سب کچھ دیکھ رہے ہیں۔
ویڈیو سامنے آنے پر ڈی آئی جی ریلوے عبداللہ شیخ نے ایکشن لیا اور کانسٹیبل میر حسن کو گرفتار کرکے حوالات میں بند کرکے مقدمہ درج کر لیا ہے۔ ڈی آئی جی ریلوے کا کہنا ہے کہ گرفتار اہلکار کیخلاف قانونی کارروائی کےعلاوہ سخت محکمانہ کارروائی بھی عمل میں لائی جائے گی۔ ان کا مزید کہنا تھا کہ ایسے اہلکارکسی بھی قسم کی رعایت کے مستحق نہیں۔
یاد رہے یہ واقعہ سات اپریل کو مِلت ایکسپریس میں پیش آیا تھا۔
