مسلم لیگ ن اور پیپلزپارٹی کے درمیان آج چھٹی بیٹھک ہوگی۔گزشتہ رات دونوں جماعتوں کے درمیان پانچواں دور بے نتیجہ ختم ہوگیا تھا۔
حکومت سازی کے معاملات طے کرنے کیلئے پیپلز پارٹی اور مسلم لیگ (ن) کی کمیٹیوں کی چھٹی نشست آج پھر ہورہی ہے۔پیپلز پارٹی اور مسلم لیگ (ن)کی جانب سے تاحال حکومت سازی کے معاملات کو حتمی شکل نہ دی جا سکی اس حوالے سے مذاکرات کا پانچواں دور بغیر کسی نتیجے کے ختم ہو گیا۔ گزشتہ روز پاکستان مسلم لیگ ن اور پیپلز پارٹی کی رابطہ کمیٹیوں کے درمیان مذاکرات کا پانچواں دور پارلیمنٹ لاجز میں اسحاق ڈار کی رہائش گاہ پر ہوا۔
پیپلزپارٹی کے وفد میں مراد علی شاہ، قمر زمان کائرہ، ندیم افضل چن اور دیگر شامل تھے۔تین گھنٹے طویل بیٹھک کے اجلاس ختم ہوا اور صبح بات چیت آگے بڑھانے کا عندیہ دیاگیا۔ذرائع کے مطابق پیپلز پارٹی اور مسلم لیگ ن کے درمیان مذاکرات کی چھٹی نشست آج ہوگی جس میں امکان ظاہر کیا جا رہا ہے کہ حکومت سازی کے بارے میں معاملات طے پا جائیں گے اور معاہدہ ہو جائے گا۔صحافیوں سے گفتگو کرتے ہوئے لیگی رہنما اعظم نذیر تارڑ نے کہا کہ بات چیت مثبت انداز میں جاری ہے۔کابینہ میں پیپلز پارٹی کی شمولیت کے حوالے سے کچھ چیزیں پہلے سے طے شدہ ہیں۔
