شہباز شریف کو وزیر اعظم منتخب ہونے پر مختلف ممالک کے سربراہان کی جانب سے مبارک باد کا سلسلہ جاری ہے۔بھارتی وزیر اعظم نے وزیر اعظم پاکستان کو منتخب ہونے پر مبارکباد دی ہے
بھارتی وزیراعظم نریندر مودی نے پاکستان کے نو منتخب وزیر اعظم شہباز شریف کو وزارت عظمی کا عہدہ سنبھالنے پر مبارکباد دے دی۔ سماجی رابطوں کی ویب پر جاری اپنے ایک پیغام انہو ں نے وزیر اعظم شہباز شریف کیلئے نیک خواہشات کا اظہار کیا۔بھارتی وزیر اعظم نے پوسٹ میں پاکستانی ہم منصب نو منتخب وزیراعظم شہباز شریف کو ٹیگ بھی کیا۔یادرہے کہ بھارتی وزیراعظم کے علاوہ ترکیہ کے صدر رجب طیب اردگان، سعودی ولی عہد محمد بن سلمان، ایرانی اور چینی صدور بھی وزیراعظم شہباز شریف کو مبارکباد دے چکے ہیں اور ان کے لیے نیک خواہشات کا اظہار کرچکے ہیں۔
