الیکشن کمیشن نے سینیٹ کی قرارداد پر عام انتخابات کو ملتوی کرنے سے انکار کردیا۔
یاد رہے کہ پاکستان میں آٹھ فروری کے عام انتخابات کی تیاریاں جاری ہیں مگر اس دوران سینیٹ میں الیکشن ملتوی کرنے کی غرض سے تیسری قراردار جمع کروائی گئی ہے۔
الیکشن کمیشن نے انتخابات ملتوی کرانے سے متعلق سینیٹ کی قرارداد پر سینیٹ سیکرٹریٹ کو مراسلہ بھیجا ہے۔ مراسلے میں کہا گیا ہے کہ آپ کی قرارداد کا جائزہ لیا، الیکشن کمیشن نے صدر مملکت کی مشاورت سے 8 فروری کو پولنگ کی تاریخ کا اعلان کیا۔ الیکشن کمیشن کا کہنا تھا کہ الیکشن ملتوی کرنا مناسب مشورہ نہیں اور اس وقت 2024 کے عام انتخانات کو ملتوی کرنا ممکن نہیں۔
