مندرہ میں حوا کی بیٹی جنسی درندگی کی بھینٹ چڑھ گئی۔ زرائع کے مطابق تھانہ مندرہ کی حدود میں ایک اثرورسوخ رکھنے والے باپ اور بیٹے نے لڑکی کو اجتماعی زیادتی کانشانہ بناڈالا۔پولیس نے مقدمہ درج کر کے ملزمان کو گرفتار کرلیا ہے۔
تفصیلات کے مطابق یہ واقعہ راولپنڈی کے علاقے مندرہ میں پیش آیا جہاں دو افراد کی جانب سے ایک لڑکی کو جنسی زیادتی کا نشانہ بنایا گیا ہے ۔متاثرہ لڑکی نے یہ دعویٰ کیا ہے کہ ملزمان اثرورسوخ کے حامل ہیں ۔ ملزمان سے اسکی جان کا خطرہ ہے اور پولیس بھی صلح کے لئے دباؤ ڈال رہی ہے۔
متاثرہ لڑکی نے متعلقہ تھانہ مندرہ میں درخواست دے دی ہے ۔پولیس نے ایف آئی آر درج کرتے ہوئے ملزمان کو گرفتار کر لیا۔ لڑکی اور ملزمان کا ڈی این اے ٹیسٹ بھی کروا لیا گیا ہے جس کی رپورٹ آنا باقی ہے۔ متاثرہ لڑکی نے اعلی حکام سے اپیل کی ہے کہ ملزمان کے خلاف قانونی کاروائی کر کے اس کی دادرسی کی جائے اور انہیں سخت سے سخت سزا دی جائے۔ دوسری جانب پولیس کا کہناہے کہ ڈی این اے ٹیسٹ کروا لیا گیا ہے اور مزید تفتیش جاری ہے۔ پولیس کا مزید کہنا تھا کہ ملزمان کو عدالت سے سخت سے سخت سزا دلوائی جا ئے گی۔
