سینیٹ کی 6 خالی نشستوں پر ضمنی الیکشن 14مارچ کو ہوگا۔ضمنی انتخاب کا شیڈول جاری کردیا گیا۔
الیکشن کمیشن کی جانب سے سینیٹ کی خالی نشستوں پر الیکشن شیڈول جاری کردیا گیا ہے جس کے مطابق 14مارچ بروز جمعرات کو ان نشستوں پر الیکشن ہوں گے۔سینیٹ کی جن نشستوں پر ضمنی الیکشن ہوگا ان میں یوسف رضا گیلانی، مولانا غفور حیدری اور نثار کھوڑو کی خالی کردہ نشستیں شامل ہیں جب کہ جام مہتاب، پرنس احمد عمر اور سرفرازبگٹی کی خالی کردہ نشستوں پر بھی ضمنی انتخاب ہوگا۔سینیٹ کا ضمنی الیکشن اسلام آباد کی ایک ،سندھ کی 2اوربلوچستان کی 3نشستوں پر ہوگا۔
