ذرائع کے مطابق ملک کے 14 ویں صدر مملکت کے انتخاب کیلئے چاروں صوبائی اسمبلیوں، سینیٹ اور قومی اسمبلی کے ارکان اپنے ووٹ کے ذریعے کرینگے ۔صدارتی انتخاب کیلئے قومی اور صوبائی اسمبلیوں میں صبح 10 بجے سے شام 4 بجے تک پولنگ ہوگی ، صدر کا انتخاب الیکٹورل کالج کے ذریعے عمل میں لایا جاتا ہے۔
ذرائع کے مطاق الیکشن کمیشن کی جانب سے صوبائی اسمبلیوں کیلئے ہائیکورٹس کے چیف جسٹسز اور قومی اسمبلی کیلئے اسلام آباد ہائیکورٹ کے چیف جسٹس کو پریزائیڈنگ افسر مقرر کیا گیا ہے۔
ووٹنگ اور کاونٹنگ مکمل ہونے کے بعد چیف الیکشن کمشنر صدارتی امیدوار کی کامیابی کا حتمی اعلان شام کو ہی کر دیں گے جبکہ منتخب صدر اس کے اگلے روز عہدے کا حلف اٹھائیں گے
