وفاقی وزیر داخلہ محسن نقوی کی کوششوں سے سری لنکا میں قید 43 پاکستانی قیدی وطن واپس پہنچیں گے۔
وزیر داخلہ سے سری لنکن ہائی کمشنر نے ملاقات کی جس میں سری لنکا میں قید 43 پاکستانی شہریوں کی فوری واپسی پر اتفاق کیا گیا ہے۔ غیر ملکی ہائی کمشنر نے وزیر داخلہ کو ہر ممکن تعاون کی یقین دہانی کرائی جس پر محسن نقوی نے تعاون پر سری لنکن ہائی کمشنر کا شکریہ ادا کیا۔
دونوں رہنماؤں کی ملاقات میں سیکیورٹی اور انسداد منشیات میں تعاون بڑھانے پر بھی اتفاق کیا گیا۔اس موقع پر وفاقی وزیر داخلہ محسن نقوی نے کہا کہ پاکستانی قیدیوں کی وطن واپسی کے انتظامات کو چند روز میں حتمی شکل دے دی جائے گی۔
