لوئر چترال (اشتیاق چترالی) لواری ٹنل اور گردونواح میں برفباری کا سلسلہ جاری ہے اور اب تک 4 انچ برف پڑچکی ہے، تاحال ٹریفک معمول کے مطابق رواں دواں ہے۔ لوئر چترال ٹریفک پولیس وارڈنز گاڑیوں کو سنو چین لگانے میں مدد کررہے اور بلا تعطل روانی کو یقینی بنانے میں مصروف ہے ۔
لواری ٹنل اپروچ روڈ پر خطرناک موڑ اور زیادہ اترائی/چڑھائی کی وجہ سے پھسلن اور ممکنہ حادثات سے بچنے کیلئے ڈرائیورز اور عوام الناس کو ہدایات کی جاتی ہے کہ غیرضروری سفرخاص کر علی الصبح اور رات کے وقت سفرسےگریزکریں.
ڈرائیور حضرات اپنے ساتھ سنو چین ضرور رکھیں تاکہ ٹنل اپروچ روڈ پرغیر ضروری پریشانی اور تاخیر سے بچ سکیں۔ برفباری یا دھند کے دوران ہیڈلائٹ لوبیم، مخصوص فوگ لائٹس روشن رکھ کر اور گاڑی کے ڈبل اشارے آن رکھ کر گاڑی چلائیں. گاڑی کی رفتار مخصوص حد کے اندر رکھیں اور گاڑیوں کے درمیان ذیادہ فاصلہ رکھیں. سفر سے پہلے گاڑی کےلائٹس اور وائیپر وغیرہ چیک کر لیں۔ موجودہ روڈ اور موسم کی صورتحال سے با خبر رہنے کیلئے پولیس ایمرجنسی نمبر 15 یا پولیس کنٹرول روم نمبر 0943/412959 پر کال کرکے معلومات حاصل کریں۔
