نیشنل ڈیزاسٹر مینجمنٹ اتھارٹی نے ملک میں شدید سردی سے متعلق الرٹ جاری کردیا، این ڈی ایم اے کے مطابق گلگت بلتستان ، کشمیر، پوٹھوہار، بالائی خیبر پختونخوا اور شمالی بلوچستان میں شدید سردی امکان ہے ۔
اسلام آباد: این ڈی ایم اے کا کہنا ہے کہ گلگت بلتستان ، کشمیر، پوٹھوہار، بالائی خیبر پختونخوا اور شمالی بلوچستان میں شدید سردی امکان ہے ۔
این ڈی ایم اے کے مطابق آنے والے دنوں میں کوئٹہ، زیارت اور قلات سمیت شمالی بلوچستان میں سردی کی شدت میں نمایاں اضافہ متوقع ہے ۔
این ڈی ایم اے نے کہا کہ شدید سردی سے سانس کی بیماریوں میں اضافہ ہو سکتا ہے، شہری احتیاط کریں، شدید سردی سے فصلوں کو بھی نقصان پہنچنے کا خدشہ، کاشتکار حفاظتی اقدامات یقینی بنائیں ۔
این ڈی ایم اے نے کہا کہ ممکنہ شدید دھند کے باعث میدانی علاقوں میں صبح کے اوقات میں سفر میں محتاط رہیں ۔
