وزیر اعلیٰ گلگت بلتستان حاجی گلبر خان نے حالیہ بارشوں کے باعث ہونے والے نقصانات اور بحالی کے کاموں کا جائزہ لینے کے حوالے سے منعقدہ اجلاس کے موقع پر کہا کہ سیلاب سے متاثرہ تمام علاقوں میں امدادی کاموں میں تیزی لائی جائے۔
موجودہ حکومت نے پہلی مرتبہ بجٹ 2024-25 میں قدرتی آفات سے ہونے والے نقصانات کے پالیسی کے مطابق معاوضوں کی ادائیگیوں کیلئے رقم مختص کی ہے۔ پچھلے سال سیلاب سے متاثرہ ہونے والے علاقوں میں متعلقہ فورمز سے ایمرجنسی نافذ کرنے کے باوجود امدادی کام شروع نہیں ہوئے ۔
وزیر اعلیٰ نے فنانس ایکٹ کے تحت قائم کمیٹی سے کہا ہے کہ وہ گزشتہ سال سیلاب سے متاثرہ علاقوں میں ایمرجنسی کے تحت منظور شدہ منصوبوں کا دورہ کریں اور اس حوالے سے اپنی رپورٹ متعلقہ فورم میں جمع کروائے۔ حاجی گلبر خان نے ڈائریکٹر جنرل ڈیزاسٹر مینجمنٹ اتھارٹی کو ہدایت جاری کی کہ وہ حالیہ بارشوں اور سیلاب سے ہونے والے نقصانات کا پالیسی کے تحت تخمینہ لگایا جائے اور سمری تیار کرکے کابینہ اجلاس میں پیش کریں۔
وزیر اعلیٰ نے اجلاس میں تمام اضلاع کے ڈپٹی کمشنرز کو ہدایت جاری کی ہے کہ وہ متعلقہ اضلاع میں ہونے والے نقصانات کا تخمینہ ڈیزاسٹرمینجمنٹ کے پاس جمع کرائیں۔
