پاکستان تحریک انصاف نے آج اسلام آباد ہونے والا جلسہ منسوخ کر دیا ۔
پی ٹی آئی رہنما اعظم سواتی بانی پی ٹی آئی کی ہدایت پر جلسہ ملتوی کیا ، عمران خان کی ہدایت پر آج ہونے والا جلسہ اب 8 ستمبر کو ہوگا۔
اعظم سواتی نے اڈیالہ جیل میں عمران خان سے ملاقات کے دران اعظم سواتی نے مذہبی جماعت کے احتجاج سے متعلق آگاہ کیا۔
اعظم سواتی کے مطابق بانی پی ٹی آئی نے ہدایت کی ہے کہ کسی بھی انتشار سے بچنے کیلئے جلسہ ملتوی کر دیا جائے۔
چیئرمین تحریک انصاف بیرسٹر گوہر نے کہا ہے کہ پاکستان تحریک انصاف کا جلسہ اب 8 ستمبر کو ہوگا، 8 ستمبر کے جلسے سے متعلق پہلے ہی نوٹیفائی ہو چکا ہے۔
واضح رہے کہ پی ٹی آئی نے ضلعی انتظامیہ کی جانب سے اجازت نہ ملنے کے باوجود آج اسلام آباد میں ہر صورت جلسہ کرنے کا اعلان کر رکھا تھا ، انتظامیہ نے پی ٹی آئی کا جلسہ روکنے کیلئے جگہ جگہ کنٹینر لگا کر راستے بند کر دیئے تھے۔
دوسری جانب اسلام آباد انتظامیہ نے پی ٹی آئی کو 8 ستمبر کو جلسے کی اجازت دے دی، جلسے کیلئے 40 نکاتی شرائط سے بھی پی ٹی آئی کو آگاہ کر دیا گیا۔
