کراچی: 19اگست کو کارساز روڈ پر ایک حادثہ پیش آیا تھا ،جس میں ایک خاتون نےگاڑی کی ٹکر سے موٹر سائیکل پر سوار باپ بیٹی کو کچل کر قتل کردیا، اس ملزمہ کے پیشاب کے نمونوں میں ممنوعہ شے کی موجودگی پائی گئی۔
ذرائع کے مطابق خاتون جو گاڑی چلارہی تھی ان کے یورین کے نمونوں میں ممنوعہ شے کی موجودگی پائی گئی، ملزمہ کے میڈیکل کی رپورٹ پولیس کو موصول ہو گئی ہے۔ملزمہ کی میڈیکل رپورٹ 2 سے 3 دن کیلیے سیل کر دی گئی۔کارساز روڈ پر نیشنل اسٹیڈیم کے قریب تیز رفتار گاڑی موٹر سائیکل سواروں کو روندتی ہوئی دوسری گاڑی سے ٹکرا گئی تھی، حادثے میں ایک گاڑی مکمل طور پر تباہ ہوگئی تھی اور ایک باپ اور بیٹی بھی اس حادثے میں جاں بحق ہو گئے تھےجبکہ پولیس نے حادثے کی ذمہ دار خاتون کو گرفتار کر لیاـ
پولیس کی رپورٹ میں یہ بات بھی سامنے آئی تھی کہ ملزمہ نتاشہ مسلسل اپنے بیانات تبدیل کر رہی ہیں ـ
