مانسہرہ: تھانہ بالاکوٹ کی حدود ڈمگلہ میں پولیس نے کاروائی کرتے ہوئے مغوی کمسن بچے کو بازیاب کرالیا، اس دوران پولیس کے ساتھ مقابلے میں دونوں اغواکار ہلاک ہوگئے، ہلاک ملزمان کے قبضے سے اسلحہ بھی برآمد ہو گیا ۔
تفصیلات کے مطابق تھانہ بالاکوٹ میں 5 جون کو مسماۃ (آ) زوجہ محمد وقاص، ساکن کوہستان کالونی، نے رپورٹ درج کروائی کہ اُس کا ڈھائی سالہ بیٹا محمد سعد، جسے اُس کی پھوپھی (م) دم کے بہانے لے گئی تھی، لاپتہ ہے، بعد ازاں، بچے کے والد (مقیم دبئی) کو نامعلوم افراد کی جانب سے تاوان کی کالز موصول ہوئیں ۔
ملزمان نے تاوان کی ادائیگی کے لیے متاثرہ خاندان کو ڈمگلہ بلایا، پولیس نے گھیراؤ کیا تو ملزمان نے فائرنگ کر دی، جوابی کارروائی میں پشاور بڈھ بیر کے رہائشی دونوں اغواکار ارمٰان جان اور فہیم خان ہلاک ہو گئے ۔
مقامی پولیس ذرائع نے کے ٹو کو بتایا کہ ہلاک دونں ملزمان افغان باشندے ہین اور مزید تفتیش جاری ہے ۔
مغوی بچہ محمد سعد اور خاتون (م) کو بحفاظت بازیاب کر لیا گیا، ملزمان سے دو 30 بور پستول اور 30 عدد کارتوس برآمد، پویس کے جانب سے واقعے میں مزید تفتیش کا سلسلہ جاری ہے ۔
