شمالی وزیرستان میں مادر وطن کا دفاع کرتے ہوئے جام شہادت نوش کرنے والے کیپٹن محمد اسامہ بن ارشد شہید کی نماز جنازہ چکلالہ گیریژن میں ادا کر دی گئی۔
انٹر سروسز پبلک ریلیشنز (آئی ایس پی آر) کے مطابق پروقار تقریب میں وزیر اعظم شہباز شریف، وزیر دفاع خواجہ آصف، وزیر اطلاعات عطا اللہ تارڑ، سی او اے ایس جنرل سید عاصم منیر سمیت حاضر سروس اور ریٹائرڈ فوجی جوانوں نے شرکت کی۔ اجتماع سے خطاب کرتے ہوئے، وزیر اعظم نے دہشت گردی کے خاتمے کے لیے قوم کے غیر متزلزل عزم پر زور دیا۔
انہوں نے ایک پرامن اور خوشحال پاکستان کو یقینی بنانے کے لیے تمام شعبوں پر مشتمل جامع حکمت عملی کے ذریعے غیر ملکی حمایت یافتہ دہشت گردوں اور ان کے حامیوں کو شکست دینے کے عزم کا اظہار کیا۔ وزیراعظم نے مزید کہا کہ قوم ان غیر ملکی دہشت گردوں اور ان کے سہولت کاروں کے خلاف پرعزم ہے اور پاکستان کے ان مخالفین کو پورے نظام کے نقطہ نظر پر مبنی ملٹی ڈومین حکمت عملی کے ذریعے مکمل شکست دی جائے گی۔ کیپٹن اسامہ بن ارشد شہید کو پورے فوجی اعزاز کے ساتھ ان کے آبائی شہر میں سپرد خاک کیا ، جو ملک کے لیے ان کی لگن اور قربانی کو خراج تحسین ہے۔
