ہری پور میں بس کھائی میں جا گری، حادثے میں 10مسافر جاں بحق جبکہ متعدد زخمی ہو گئے ۔ اندوہناک حادثہ تھانہ مکھنیال کی حدود ترناوہ کے قریب پیش آیا۔ اطلاعات کے مطابق حادثے میں 10افراد جاں بحق جبکہ 15سے زائد زخمی ہو گئے ہیں ۔
عینی شاہدین کا کہنا ہے کہ حادثے کا شکار ہونے والی کوسٹر بس میں گنجائش سے زیادہ مسافرسوار تھے جن میں بچے اور خواتین بھی شامل تھے ۔ ریسکیو ٹیمیں فوری طورپر جائے وقوعہ پر پہنچ گئیں جنہوں نے امدادی کارروائی شروع کرتے ہوئے زخمیوں کو نکال کر ہسپتال منتقل کردیا ۔
