وفاقی حکومت نے سردیوں کی آمد پر غزہ کے لوگوں کے لیے امداد بھجوانے کا فیصلہ کیا ہے۔
وزیراعطم پاکستان شہباز شریف کی زیر صدارت غزہ کی صورتحال پر اجلاس ہوا، اجلاس میں این ڈی ایم اے کی طرف سے بریفنگ دی گئی۔
اجلاس میں حکومت پاکستان کی جانب سے فیصلہ کیا گیا کہ وفاقی حکومت سردیوں کی آمد پر متاثرین غزہ کیلئے امداد بھجوائے گی۔
حکومت کا غزہ میں فوری طور پر 600 ٹن امداد بھجوانے کا فیصلہ کیا گیا ہے جس میں کمبل رضائیاں، ادویات اور گرم ملبوسات شامل ہوں گی۔
وزیراعظم شہباز شریف نے این ڈی ایم اے کو بہترین امدادی سامان بھجوانے کی ہدایت کرتے ہوئے کہا کہ ہم فلسطین کے معصوم لوگوں کے ساتھ کھڑے ہیں۔
وزیر اعظم نے عالمی برادری سے غزہ کے غریب عوام کی امداد کرنے اور جنگ بندی میں کردار ادا کرنے پر بھی زور دیا۔
