پاکستان ریلوے نے تاریخ کی سب سے لمبی ٹرین چلادی۔
پاکستان ریلوے کی جانب سے تاریخ کی لمبی ترین مال گاڑی چلادی گئی۔ترجمان ریلوے کے مطابق 2500فٹ لمبی مال گاڑی 50ڈبوں پر مشتمل ہے جسے انتہائی طاقتور انجن کے ذریعے چلایا گیا ہے۔ترجمان ریلوے نے بتایا کہ مال گاڑی کراچی سے 3ہزار ٹن سے زائد مال لوڈ کرکے کوٹری لے کر گئی۔اس دوران ٹرین 60کلو میٹر رفتار تک گئی جب کہ ٹرین کی اوسط رفتار 38کلو میٹر رہی۔ترجمان ریلوے کے مطابق یہ ٹرین94بائس وہیلر ٹرکوں سے زائد وزن اٹھانے کی صلاحیت رکھتی ہے۔ اس مال گاڑی سے سڑک پر ٹریفک کے دبا ؤاور ماحولیاتی آلودگی میں بھی کمی ہوگی
