ڈنیڈن میچ کیلئے پاکستان پلیئنگ الیون کا اعلان کردیا گیا ہے۔ قومی سکواڈ میں وسیم جونیئر، محمد نواز اور زمان خان کوشامل کرلیا گیاہے۔
پاکستان اور نیوزی لینڈ کے درمیان تیسرا ٹی ٹوئنٹی میچ کل کھیلا جائے گا۔سیریز میں نیوزی لینڈ کو پاکستان پر دو صفر کی سبقت حاصل ہے۔پاکستان کی جانب سے پلیئنگ الیون کا اعلان کیا گیا ہے جس میں تین بڑی تبدیلیاں کی گئی ہیں، اسامہ میر، عامر جمال اور عباس آفریدی ٹیم سے باہر ہوگئے ہیں۔ان تینوں کی جگہ قومی ٹیم میں وسیم جونیئر، محمد نواز اور زمان خان کو شامل کیاگیا ہے.جو نیوزی لینڈ کے خلاف تیسرے ٹی ٹوئنٹی میں ایکشن میں نظر آئیں گے۔
اس کے علاوہ ٹیم میں قومی کپتان شاہین آفریدی کی قیادت میں محمد رضوان، صائم ایوب ، بابر اعظم، فخر زمان، افتخار احمد، اعظم خان شامل ہوں گے۔اس کے علاوہ محمد نواز، حارث رف، وسیم جونیئر اور زمان خان پلیئنگ الیون کا حصہ ہوں گے۔یاد رہے کہ عباس آفریدی پیٹ کے مسل میں اسٹرین کی وجہ سے اس میچ سے باہر ہوئے ہیں۔اس حوالے سے اسکین میں کسی قسم کی شدید انجری کی تشخیص نہیں ہوئی ہے۔اگلے 2میچوں میں ان کی دستیابی کے بارے میں بعد میں فیصلہ کیا جائے گا۔یاد رہے کہ عباس آفریدی نے نیوزی لینڈ کے خلاف پہلے میچ میں 3اور دوسرے میچ میں 2وکٹیں حاصل کی تھیں۔
