بلاوائیو میں کھیلے گئے تیسرے اور فیصلہ کن ایک روزہ میچ میں پاکستان نے زمبابوے کے خلاف ٹاس جیت کر بیٹنگ کا فیصلہ کیا، قومی ٹیم نے مقررہ 50 اوورز میں6 وکٹوں کے نقصان پر 303 رنز بنائے ۔ کامران غلام کیریئر کی پہلی سنچری بناکر 103 رنز بناکر آوٹ ہوئے ۔
صائم ایوب 31، عبداللہ شفیق نے 50، محمد رضوان نے 37، سلمان علی آغا 30 اور عرفان خان 3 رنز بناکر آوٹ ہوئے ۔طیب طاہر اور عامر جمال بالترتیب 29 اور 5 رنز بناکر ناٹ آؤٹ رہے۔
304 رنز کے ہدف کے تعاقب میں زمبابوے کی ٹیم 204 رنز بنا کر آؤٹ ہوگئی، پاکستان کی جانب سے صائم ایوب، ابرار احمد،حارث روف اور عامر جمال نے دو، دو وکٹیں حاصل کیں ۔فیصل اکرام اور کامران غلام نے ایک ایک وکٹ لی۔
میزبان ٹیم کے کریگ ایروین 51 اور برین بیننٹ 37 رنز بناکر نمایاں رہے۔ تاڈیواناشے اور سین ولیمز نے 24 ، 24 رنز بنائے۔
میچ میں شاندار 103 رنز بنانے پر کامران غلام بہترین کھلاڑی کا اعزاز لے اڑے جبکہ صائم ایوب نے 155 رنز اور 3 وکٹیں لینے پر سیریز کے بہترین کھلاڑٰ کا اعزاز اپنے نام کیا ۔
پاکستان اور زمبابوے کے درمیان ٹی ٹوینٹی سیریز کا آغاز یکم دسمبر سے ہوگا ۔
