پاکستان نے افغان طالبان کی درخواست پر افغانستان کے ساتھ جنگ بندی کا فیصلہ کرلیا، وزارت خارجہ کے مطابق اس دوران دونوں اطراف تعمیری بات چیت کے ذریعے اس پیچیدہ مگر قابل حل مسئلے کا مثبت حل تلاش کرنے کی مخلصانہ کوشش کریں گے ۔
اسلام آباد: وزارت خارجہ کے مطابق افغان طالبان رجیم کی جانب سے جنگ بندی کی درخواست کی گئی تھی، جس کے بعد آئندہ 48 گھنٹوں کیلئے جنگ بندی کا فیصلہ کیا گیا ہے ۔
وزارت خارجہ نے بتایا کہ افغان طالبان کی درخواست پر آج (15 اکتوبر) شام 6 بجے سے اگلے 48 گھنٹوں کے لیے عارضی سیزفائرکا فیصلہ کیا گیا، فیصلے کے فوری بعد سیز فائر کا آغاز ہوگیا ہے ۔
وزارت خارجہ کا مزید کہنا ہےکہ اس دوران دونوں اطراف تعمیری بات چیت کے ذریعے اس پیچیدہ مگر قابل حل مسئلے کا مثبت حل تلاش کرنے کی مخلصانہ کوشش کریں گے ۔
ذرائع کے مطابق پاکستان کی جانب سے نمائندہ خصوصی برائے افغانستان محمد صادق اور افغانستان کی جانب سے ممکنہ طور پر افغان وزیر خارجہ مذکرات کریں گے ۔
