پاک بنگلہ ٹیسٹ سیریز کا آغازآج سے ہورہا ہے پہلا ٹیسٹ میچ آج راولپنڈی میں کھیلا جائے گا۔
راولپنڈی میں آج صبح سویرے تیز بارش کے بعد گیلی آؤٹ فیلڈ کے باعث ٹاس تاخیرکا شکار ہے، ہیڈ کیوریٹر ٹونی ہیمنگ پچ پر امپائرز کے ہمراہ موجود ہیں۔ اور جلد ہی انسپیکشن کی جائے گی۔
پاکستانی ٹیم بنگلادیش کے خلاف پہلے ٹیسٹ میچ میں 4 فاسٹ بولرز کے ساتھ میدان میں اترے گی۔ پاکستان کی فائنل الیون میں کپتان شان مسعود، سعود شکیل، عبداللہ شفیق، بابراعظم، خرم شہزاد ، محمد علی، محمد رضوان، نسیم شاہ، صائم ایوب، سلمان آغا اور شاہین شاہ آفریدی شامل ہیں۔ کپتان شان مسعود پہلی مرتبہ ہوم سیریز میں ٹیم کی قیادت کریں گے ۔
