مری میں غیرقانونی تعمیرات اور تجاوزات کے خلاف آپریشن میں 20 سے زائد عمارتیں، ہوٹلز اور دکانیں مسمار کر دی گئیں۔ یہ آپریشن نگران وزیر اعلیٰ پنجاب کی ہدایت پر کیا جا رہا ہے۔
ایڈیشنل ڈپٹی کمشنر کے مطابق آپریشن مری سٹی، جھیکا گلی اور مسیاڑی روڈ پر کیا گیا۔ تفصیلات کے مطابق آپریشن کے دوران 20 سے زائد عمارتیں، ہوٹلز اور دکانیں گرا دی گئیں۔ ایڈیشنل ڈپٹی کمشنرقاسم اعجاز نے بتایا کہ مری میں غیر قانونی تجاوزات کے خلاف آپریشن تین روز سے جاری ہے جبکہ آپریشن میں رکاوٹیں ڈالنے والوں کے خلاف مقدمات درج کیے جارہے ہیں۔
