مری میں نامعلوم افراد نے فائرنگ کرکے معروف صحافی ظفر سعید ستی کو قتل کردیا، پولیس نے فوری کارروائی کرتے ہوئے دو ملزمان کو گرفتار کرلیا ۔
نیو مری کے معروف اور سینئر صحافی ظفر سعید ستی کو نامعلوم افراد نے فائرنگ کر کے قتل کر دیا، اصحافی ظفر سعید ستی کو دو گولیاں ماری گئیں، جس سے وہ موقع پر ہی جاں بحق ہو گئے ۔
واقعے کی اطلاع ملتے ہی پولیس جائے وقوعہ پر پہنچ گئی اور شواہد اکٹھے کئے، مقتول کے قتل پر صحافتی برادری میں شدید غم و غصہ پایا جا رہا ہے ۔
علاقہ مکینوں اور صحافیوں کے مطالبے پر پولیس نے فوری کارروائی کرتے ہوئے دو ملزمان کو گرفتار کردلیا ہے ۔
پولیس کے مطابق گرفتار ملزمان میں مقتول کا بھانجہ اور بھتیجا شامل ہیں، دونوں ملزمان سے مزید تفتیش جاری ہے ۔
