مسلم لیگ ن کی چیف آرگنائزر مریم نواز نے دعویٰ کیا ہے کہ ن لیگ مرکز اور پنجاب میں سب سے بڑی سیاسی جماعت بن کر سامنے آ رہی ہے۔ پاکستان مسلم لیگ (ن) کی چیف آرگنائزر مریم نواز نے کہا ہے کہ حتمی نتائج موصول ہوتے ہی نواز شریف وکٹری تقریر کریں گے۔
سماجی رابطے کی ویب سائٹ ’ایکس‘ پر اپنے پیغام میں مریم نواز کا کہنا تھا کہ کل رات میڈیا کے ایک حصے کی طرف سے جان بوجھ کر بنائے گئے غلط تاثر کے برخلاف ہماری جماعت مرکز اور پنجاب میں واحد سب سے بڑی جماعت بن کر ابھر رہی ہے. مریم نواز نے کہا کہ ہم کچھ آخری نتائج کا انتظار کر رہے ہیں۔ ان شاءاللہ، نتائج کے موصول ہونے ک بعد مسلم لیگ ن کے مرکزی دفتر سے اپنی کامیابی کا خطاب کریں گے۔
یاد رہے کہ گزشتہ رات مسلم لیگ ن کے قائد نواز شریف تقریر کیے بغیر ہی ماڈل ٹاؤن سیکرٹریٹ سے گھر روانہ ہوگئے تھے
