ملک بھر میں بلوں میں اضافے اور بے جا ٹیکسز کے خلاف تاجر براداری کی ہڑتال جاری ہے۔
جماعت اسلامی کی ہدایت پر ملک بھر کے مختلف شہروں میں آج کاروباری مراکز بند ہیں۔ ہڑتال کی وجہ سے کچھ شہروں میں سکولز بھی بند کردئیے گئے ہیں۔
وفاقی دارالحکومت اسلام آباد میں مظاہرے کے پیش نظر ریڈ زون کے تمام راستوں کو کنٹینر رکھ کر بند کردیا گیا ہے۔اسلام آباد کے مختلف کاروباری مراکز میں بھی تاجروں کی شٹر ڈاؤن ہڑتال ہے۔ آبپارہ مارکیٹ ،جی نائن کراچی کمپنی سمیت مختلف علاقوں میں دکانیں بھی بند ہیں۔
آل پاکستان انجمن تاجران سندھ نے ہڑتال کی حمایت کرتے ہوئے کہا کہ سندھ کے تمام چھوٹے بڑے شہروں میں کاروبار مکمل بند رہے گا۔ ٹیکسز اور بجلی کے بلوں میں اضافے کو تسلیم نہیں کرتےہیں۔
راولپنڈی میں بھی تاجروں کی ہڑتال جاری ہے۔ تجارتی مراکز ،شاپنگ مالز، مارکیٹس، ہول سیل، آڑھت منڈیاں بھی بند ہیں تاہم بیکرز ،سویٹس کریانہ میڈیکل اسٹورز اور پیٹرول پمپ کھلے ہیں۔ بڑے تجارتی مراکز میں کریانہ کی تمام بڑی شاپس مکمل بند ہیں۔ شہر میں تعلیمی ادارے اور ڈسٹرکٹ کچہری بھی کھلے ہیں۔ ۔
ملتان ،لاہور ،کوئٹہ ،گوجرانوالہ ، فیصل آباد سمیت تمام چھوٹے برے شہروں میں کاروباری مراکز مکمل بند ہے۔
