مچل مارش ٹی 20 ورلڈ کپ کیلئے کپتان مقرر کر لئے گئے ہیں
مچل مارش کو آسٹریلیا کی ٹی ٹوئنٹی ٹیم کا مستقل کپتان آل راؤنڈر بنانے کا فیصلہ کیا گیا ہے۔غیر ملکی خبررساں اداروں کے مطابق مچل مارش ٹی ٹوئنٹی ورلڈ کپ میں آسٹریلوی ٹیم کی قیادت کے فرائض انجام دیں گے،بورڈ میٹنگ میں مچل مارش کو کپتان بنانے کی منظوری دی جائے گی۔یادرہے کہ آسٹریلوی ٹیم کے لئے ایرون فنچ کی ریٹائرمنٹ کے بعدمستقل کپتان کا فیصلہ تاحال نہیں ہوسکا تھا۔اگر مچل مارش کی بات کی جائے تو حال میں انہوں نے نیوزی لینڈ کے خلاف ٹی ٹوئنٹی سیریز میں کپتانی کے فرائض انجام دیئے تھے، اس سیریز میں تین صفر سے آسٹریلیا کامیاب ہوا تھا۔
