صدر پاکستان سے چیئرمین جوائنٹ چیفس آف اسٹاف کمیٹی نے ملاقات کی ۔ملک سے دہشت گردی کی لعنت کوجڑ سے اکھاڑ پھینکنے کے عزم کا اظہار کیا گیا۔
صدرِ مملکت آصف علی زرداری سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے ملاقات کی ہے۔چیئرمین جوائنٹ چیفس آف اسٹاف کمیٹی نے اس موقع پر صدرِ پاکستان کو ملکی سیکیورٹی کی صورتِ حال اور مسلح افواج کی آپریشنل تیاریوں پر بریفنگ دی۔چیئرمین جوائنٹ چیفس آف اسٹاف کمیٹی جنرل ساحر شمشاد نے بتایا کہ مسلح افواج اندرونی و بیرونی سیکیورٹی کے چیلنجز سے موثر انداز میں نمٹنے کی صلاحیت رکھتی ہیں۔اس موقع پر صدرِم ملکت آصف علی زرداری نے سرحدوں کے دفاع اور ملکی سماجی و اقتصادی ترقی میں مسلح افواج کے کردار کو سراہا۔صدرِ پاکستان آصف علی زرداری نے کہا کہ اعتماد ہے کہ سیکیورٹی فورسز اندرونی و بیرونی سیکیورٹی چیلنجز پر کامیابی سے قابو پا لیں گی۔ملاقات میں دہشت گردی کی لعنت کو قوم کے تعاون سے جڑ سے اکھاڑ پھینکنے کے عزم کا بھی اظہار کیا گیا
