مانسہرہ میں مکان کی دیوار گرنے کے نتیجے میں دو کمسن بھائی جاں بحق ہو گئے۔
یہ حادثہ مانسہرہ کے علاقہ بیلہ کوٹکے میں پیش آیا جہاں رہائشی مکان کی دیوار اچانک گر گئی جس کی وجہ سے ملبے کے نیچے دب کر دو کمسن بھائی موقع پر جان کی بازی ہار گئے۔
حادثے میں 1 بچی سمیت 2 بچے شدید زخمی بھی ہو گئے جنہیں فوری طور پر طبی امداد کیلئے نجی ہسپتال منتقل کیا گیا۔
پولیس کے مطابق حادثے میں جاں بحق ہونے والے بچوں کی عمریں ڈھائی سال اور 4 سال تک ہیں۔
