مانسہرہ: تھانہ نواز آباد پولیس نے کامیاب کارروائی کرتے ہوئے قتل اور اقدامِ قتل جیسے سنگین جرائم میں ملوث اشتہاری ملزمان کو گرفتار کرلیا ۔
پولیس حکام کے مطابق کارروائی کے دوران دو اشتہاری ملزمان کو گرفتار کیا گیا،گرفتار ملزمان قتل، اقدام قتل سمیت دیگر جرائم میں ملوث ہیں ۔
گرفتار ملزمان تھانہ نواز آباد میں مورخہ 2 مارچ 2025 کو درج مقدمہ میں اقدامِ قتل کے مقدمہ میں مطلوب تھے، مزید برآں، ملزم پریستان راولپنڈی پولیس کو قتل کے ایک مقدمے میں بھی مطلوب تھا ۔
انہوں نے کہا کہ مانسہرہ پولیس مجرمانہ عناصر کے خلاف زیرو ٹالرنس پالیسی پر عمل پیرا ہے اور شہریوں کے جان و مال کے تحفظ کو یقینی بنانے کے لیے ہر ممکن اقدامات کیے جا رہے ہیں ۔
