مانسہرہ میں موٹروے کے قریب گاڑی پر فائرنگ کا واقعہ پیش آیا۔اس دوران فائرنگ سے باپ ہلاک جبکہ گاڑی میں سوارماں اور بیٹا شدید زخمی ہو گئے۔
ذرائع کے مطابق زخمیوں کو فوری طور پر کنگ عبداللہ ہسپتال کی جانب منتقل کر دیا گیا ہے جبکہ پولیس نے شعیب ولد نامعلوم اور دیگر دو نامعلوم افراد کے خلاف مقدمہ بھی درج کر لیا ہے۔فائرنگ کے بعد قاتل ملزمان مقتول کی جوان بیٹی اور بیٹے کو اغوا بھی کر کے اپنے ساتھ لے گئے ہیں۔
اس کے بعد ذرائع کے مطابق پولیس نے شعیب ولد فضل الرحمان اور اس کے دو ساتھیوں کے خلاف اغوا کرنے اور اس کے ساتھ قتل کا مقدمہ بھی درج کر لیا ہے۔ورثا نے اس واقعہ کے بعد روڈ کو بلاک کر دیا اور پولیس کے خلاف شدید نعرے بازی بھی شروع کر دی۔
ورثا نے واقعے کے خلاف احتجاح کرتے ہوئے مقتول کی جوان بیٹی اور بیٹے کو فوری طور پر بازیاب کروانے کا مطالبہ بھی کر دیا ہے۔واضح رہے کہ مانسہرہ موٹروے کے قریب گاڑی پر فائرنگ کا واقعہ پیش آیا ہے،اس دوران فائرنگ کی وجہ سے باپ جاں بحق جبکہ گاڑی میں سوارماں اور بیٹا شدید زخمی ہو گئے ہیں۔
