تھانہ اوگی کے گاؤں بجنہ ڈھیری میں غیرت کے نام پرایک نوجوان کوخاتون سمیت قتل کردیا گیا،پولیس نے نعشوں کو ہسپتال منتقل کرکے دوافرادکے خلاف دوہرے قتل کی ایف آئی آر درج کرلی، تھانہ اوگی میں درج رپورٹ کے مطابق گاؤن بجنہ ڈھیری گزشتہ رات ایک نوجوان محمد زمان ولدغنی الرحمٰن ساکن تکیہ بانڈی شنگلی کوایک گھرمیں خاتون سمیت اسلحہ آتشیں سے اندھادھند فائرنگ کرکے موقع پرقتل کردیاگیا۔
اوگی پولیس نے واقعہ کی اطلاع پر جائے وقوعہ پہنچ کر دونوں نعشیں قبضے میں لے لیں اور کیٹگری ڈی ہسپتال اوگی منتقل کرکے پوسٹ مارٹم کے بعد لواحقین کے حوالے کردیااورمقتولہ کے سسردرزہ خان اور دیور ذوالفقار کے خلاف قتل کامقدمہ درج کرکے دونوں ملزمان کو گرفتار کرلیا،پولیس کے مطابق دونوں کو ناجائز تعلقات کے شبہ میں غیرت کے نام پرقتل کیاگیاہے،مزیدحقائق سامنے لانے کیلئے پولیس نے تفتیش شروع کردی ہے۔
