ہری پور : ہری پور میں شیر کے حملے میں شہری جاں بحق ہوگیا۔ تفصیلات کے مطابق ہری پور میں شیر جنگل سے نکل کر نگری پائیں میں پہنچ گیا جہاں اس نے حملہ کرکے ایک نوجوان کو مار ڈالا۔علاقہ مکین شیر کے حملے کی اطلاعات پر پہنچے اور ان کے شور مچانے پر شیر دوبارہ جنگل کی طرف بھاگ گیا۔
ذرائع کے مطابق ہلاک ہوئے نوجوان کا نام نبیل ہے جبکہ محکمہ وائلڈ لائف تاحال واقعے سے بے خبر ہے اور اس کی طرف سے شیر کو پکڑںے کی کوئی کارروائی نہیں کی گئی۔ واقعے کے بعد سے لوگ محتاط ہوگئے ہیں اور علاقے میں خوف و ہراس پھیلا ہوا ہے کہ شیر دوبارہ حملہ آور نہ ہوجائے، لوگوں نے وائلڈ لائف سے شیر کو پکڑنے اور انہیں محفوظ بنانے کی اپیل کی ہے۔
