نگران لبنانی وزیراعظم نے کہا ہے کہ امریکی سفیر نے بتایا 5 نومبر سے قبل جنگ بندی ممکن ہے۔
اسرائیلی میڈیا نے لبنان جنگ بندی تجویز کا مجوزہ مسودہ نشرکردیا ہے جس کے تحت جنگ بندی کے باوجود اسرائیل حزب اللہ اہداف کونشانہ بنا سکے گا، اسرائیلی فوج کے انخلا کے وقت لبنانی فوج کی تعیناتی شروع ہوجائے گی۔
مسودے میں اسرائیل اور لبنان سے اقوام متحدہ کی قراردادوں پرعملدرآمد کا مطالبہ کیا ہے اور 60 روزہ جنگ بندی کے دوران مکمل عملدرآمد کو حتمی شکل دی جائے گی۔
دوسری جانب اسرائیلی وزیرتوانائی نے بھی کہا کہ اسرائیلی سیکیورٹی کابینہ اجلاس میں حزب اللہ سے جنگ بندی پر غورکرے گی۔
