اسلام آباد میں پاک پی ڈبلیو ڈی کی بندش کے حکومتی فیصلہ کے خلاف پی ڈبلیو ڈی ملازمین کا احتجاج جاری ہے۔اس حوالے سے ملازمین نے سری نگر ہائی وے پر دھرنا دے دیا ہے۔
ذرائع کے مطابق ملازمین نے سری نگر ہائی وے پر دھرنا دے دیا ہے۔ملازمین کے دھرنا کی وجہ سے سری نگر ہائی وے کو بلاک کردیا گیا ہے۔پی ڈبلیو ڈی کے ملازمین کا کہنا ہے کہ اگر ہمارے مطالبات تسلیم نہ کیے گئے تو یوٹیلیٹی اسٹور کے ملازمین کے ساتھ مل کر ڈی چوک کی طرف جائیں گے۔ملازمین کے مطابق مذاکرات وزیر خزانہ، یا وزیر داخلہ سے کریں گے۔اس کے ساتھ ملازمین کا کہنا ہے کہ حکومت نے پی ڈبلیو ڈی کی بندش کا فیصلہ واپس نہ لیا تو دھرنا جاری رہے گا۔
