اسلام آباد میں تیز رفتار کوسٹر اورگرین میٹرو بس میں خوفناک تصادم۔ 15افراد زخمی ہوگئےجنہیں ہسپتال منتقل کر دیا گیا۔
ذرائع کے مطابق حادثہ بھارہ کہو کے قریب گرین لائن اسٹیشن پر پیش آیا جب راولپنڈی سے آتے ہوئے تیز رفتار کوسٹر میٹرو بس سے ٹکرا گئی۔ حادثے کے نتیجے میں کوسٹر میں موجود 13 طلبا زخمی ہوگئے۔واقعہ کی اطلاع ملتے ہیں ریسکیو ٹیم 1122جائے حادثہ پر پہنچ گئی۔ زخمیوں کو فوری طور پرہسپتال منتقل کردیا گیا جبکہ پولیس اور ایمرجنسی ریسپانس فورس موقع پر موجود ہے۔پولیس کا کہنا ہے کہ کوسٹر پر وزیرآباد سے طلبا اسلام آباد تفریحی دورے پر آئے تھے۔ترجمان پولیس کے مطابق گرین لائن میٹرو بس میں سوار 2 افراد بھی زخمی ہوئے۔تمام زخمیوں کو ہسپتال منتقل کردیا گیاہے ۔جہاں ہسپتال انتظامیہ کے مطابق ان کی حالت خطرے سے باہر بتائی جارہی ہے.
