وفاقی پولیس کی جانب سے تین سطحی سیکیورٹی پلان تشکیل دیا گیا ہے۔
الیکشن سیکیورٹی پلان اے، بی اور سی کیٹیگریز میں تقسیم ہے۔ ذرائع کے مطابق 995پولنگ اسٹیشنز کیلئے رینجرز اور ایف سی کی مدد لی جائے گی جبکہ سیکیورٹی کیلئے پاک فوج کو آن کال رکھا جائے گا۔ذرائع کا کہنا تھا کہ ضلع کے 150پولنگ اسٹیشنز انتہائی حساس قرار دیے گئے ہیں۔ 450سے زائد عمارتوں کو پولنگ اسٹیشنز کے طور پر استعمال کیا جائے گا۔نیلور، چراہ اور کرپا کے پولنگ اسٹیشن اے کیٹیگری میں شامل ہیں۔ گزشتہ انتخابات میں پرامن رہنے والے دیہی علاقے بی کیٹیگری میں شامل ہیں جبکہ گزشتہ انتخابات میں پرامن رہنے والے شہری علاقے سی کیٹیگری میں شامل ہیں۔ تفصیلات کے مطابق اسپیشل برانچ کی رپورٹ پر حساس پولنگ اسیٹشنز پر ایف سی تعینات ہوگی۔ فورسز تعیناتی کی حتمی منظوری وزارت داخلہ سے لی جائے گی
