اسلام آباد کے علاقے تھانہ پھلگراں کی حدود میں رات گئے ڈکیتی کی واردات پیش آئی جس میں ملزمان نے گھر والوں کو یرغمال بنایا اور اس کے ساتھ ہی نقدی اور قیمتی سامان لوٹ کر فرار ہوگئے۔
ذرائع کے مطابق،یہ واقعہ رات کے تین بجے پیش آیا جب تین مسلح ملزمان گھر میں داخل ہوئے اور گھر والوں کو کئی گھنٹوں تک یرغمال بنائے رکھا۔درخواست گزار کے مطابق، ملزمان نے چار لاکھ پچاس ہزار روپے نقدی اور قیمتی سامان لوٹا۔ جبکہ واردات کے دوران ملزمان نے گھر کے افراد پر تشدد بھی کیا۔اس کے ساتھ ہی درخواست گزار کا کہنا ہے کہ وہ ملزمان کو آسانی سے شناخت بھی کر سکتا ہے۔جس پر اسلام آباد پولیس نے واقعے کی تفتیش کا آغاز کر دیا ہے اور ملزمان کی تلاش بھی جاری کردی ہے۔
