اسلام آباد ہائی کورٹ (آئی ایچ سی) نے جمعرات کو پاکستان تحریک انصاف (پی ٹی آئی) کی کارکن صنم جاوید کی گرفتاری کو غیر قانونی قرار دیتے ہوئے رہائی کی درخواست نمٹا دی۔
تفصیلات کے مطابق اسلام آباد ہائیکورٹ کے جسٹس حسن اورنگزیب نے صنم کی گرفتاری سے متعلق درخواست کی سماعت کی، اس دوران جاوید کی جانب سے اٹارنی جنرل اور میاں اشفاق ایڈووکیٹ عدالت میں پیش ہوئے۔سماعت کے دوران اٹارنی جنرل نے دلائل دیتے ہوئے کہا کہ بلوچستان پولیس پی ٹی آئی کارکن کے راہداری ریمانڈ کی درخواست نہیں کر رہی، وہ اب آزاد ہیں اور اپنے صوبے میں جا سکتی ہیں۔
اپنے دلائل میں اٹارنی جنرل نے مزید کہا کہ میں نے سوشل میڈیا پر دیکھا کہ صنم جاوید انتہائی نامناسب زبان استعمال کرتی ہیں۔جسٹس حسن نے دلائل سننے کے بعد صنم کے وکیل میاں اشفاق سے ضمانت مانگی کہ وہ دوبارہ غیر مناسب بات نہیں کریں گی۔ جس پر وکیل نے عدالت کو یقین دلایا کہ صنم آئندہ نامناسب الفاظ استعمال نہیں کریں گے۔بعد ازاں عدالت نے دلائل سننے کے بعد صنم جاوید کی گرفتاری کو غیر قانونی قرار دے دیا۔
