معروف بھارتی کرکٹر شیکھر دھون نے انٹر نیشنل اور ڈومیسٹک کرکٹ سے ریٹائرمنٹ کا اعلان کردیا۔
بھارتی بلے باز نے ریٹائرمنٹ کا اعلان سوشل کے ذریعے کیا جس میں ان کا کہنا تھا کہ وہ انٹرنیشنل کرکٹ اور ڈومیسٹک کرکٹ سے ریٹائرمنٹ کا اعلان کر رہے ہیں۔
انہوں نے کہا کہ کرکٹ کے اس سفر کو الوداع کہنے پر دل میں ایک سکون ہے کہ اپنے ملک کے لیے بہت کھیلا‘۔
شیکھر دھون نے بھارتی کرکٹ بورڈ کا شکریہ ادا کرتے ہوئے کہا کہ ’ میں بی سی سی آئی کا شکرگزار ہوں جنہوں نے مجھے موقع دیا۔
ان کا مزید کہنا تھا کہ خود سے یہ کہتا ہوں کہ اس بات سے دکھی نہیں ہوں کہ ملک کے لیے دوبارہ نہیں کھیلوں گا، میں اس بات پر خوش ہوں کہ اپنے ملک کے لیے کھیلا ہوں اور یہ میرےلیے سب سے بڑا اعزازہے‘۔
بھارتی کرکٹر نے کہا کہ وہ آج ایک ایسے موڑ پر کھڑا ہے جہاں پیچھے دیکھنے پر صرف یادیں اور آگے دیکھنے پر پوری دنیا ہے۔
انہوں نے کہا کہ میری ہمیشہ سے ایک ہی منزل تھی کہ بھارت کے لیے کھیلنا اور وہ ہوا بھی، اس منزل میں کوچز، فیملی، ٹیم اور بی سی سی آئی کا شکرگزار ہوں‘۔
شیکھر دھون نے 34 ٹیسٹ، 167 ون ڈے اور 68 ٹی ٹوئنٹی میچز میں بھارت کی نمائندگی کی۔
