پاکستانی شوبز انڈسٹری کے سینیئراداکار فردوس جمال نے سُپراسٹارماہرہ خان کی خوبصورتی پر بات کرتے ہوئے انہیں بوڑھی عورت قرار دے دیا۔
فردوس جمال نےایک نجی ٹی وی چینل کے پروگرام میں بطورِ مہمان شرکت کی جہاں اُن سے پاکستان کی مشہور اداکارہ ماہرہ خان سے متعلق سوال پوچھا گیا۔پروگرام کےمیزبان نے فردوس جمال سے پوچھا کہ آپ نے ماضی میں ماہرہ خان کو بوڑھی کہا تھا ،آپ کے مطابق انکو اب ہیروئن کا کردار نہیں کرنا چاہیےبلکہ ماں کا کردار کرنا چاہیے،آپ کے اس بیان کے بعد اداکارہ نے سُپر ہٹ فلم ‘دی لیجنڈ آف مولا جٹ’ میں شاندار اداکاری کی، تو اس پرآپ کیا کہنا چاہیں گے؟اس سوال کے جواب میں فردوس جمال نے کہا کہ میں آج بھی اپنے بیان پر قائم ہوں، وہ اپنی اصل عُمر کے مطابق بوڑھی عورت ہیں۔
میزبان نے کہا کہ پاکستان کے 90 فیصد لوگوں کو ماہرہ خان خوبصورت نظر آتی ہیں، جس پر فردوس جمال نے کہا کہ اگر 90 فیصد لوگ پاگل ہیں تو کیا میں بھی اُن کی طرح پاگل بن جاؤں۔
فردوس جمال نے ماہرہ خان کی عمر پر بات کرتے ہوئے کہا کہ ماہرہ کی عمر زیادہ ہوگئی ہے اور اس عمر میں ہیروئنیں نہیں ہوتیں بلکہ ماں کے کردار کیے جاتے ہیں، اگر میری بات کسی کو بری لگے تو معذرت چاہتا ہوں ـ
