راولپنڈی پولیس لائن میں فائرنگ کا واقعہ پیش آیا۔سی ٹی ڈی کے اہلکار کے بیٹے نے اندھا دھند فائرنگ کر کے کئی افراد کو زخمی کر دیا۔ پولیس لائن میں بگدڑ مچ گئی۔
ذرائع کے مطابق راولپنڈی پولیس لائن میں گولیاں چل گئیں-سی ٹی ڈی کے افس سپر ڈنڈنٹ کے بیٹے نے فائرنگ کر کے پولیس انسپیکٹر کے بیٹے سمیت کئی افراد کو زخمی کردیا۔تھانہ سول لائن کے سب انسپیکٹر محمد تنویر کے مطابق وہ اور اے ایس آئی ڈیوٹی پر بسلسلہ چیکنگ مین انکسی گیٹ پر موجود تھے کہ فٹبال گراؤنڈ میں کچھ لڑکے کھیل رہے تھے،کہ اس دروان اچانک گراؤنڈ کی جانب سے لڑائی جھگڑے اور فائرنگ کی آواز سنائی دی۔
ہم وہاں پہنچے تو دو لڑکے مدثر ولد زوار علی اور احمر ولد محمد نواز زخمی حالت میں پڑے تھے۔ انہوں نے بتایا کہ ارسل ولد امتیاز علی نے فائرنگ کر کے ان کوزخمی کیا،جس کی وجہ سے سابقہ رنجش بتائی جا رہی ہے۔ذرائع کے مطابق ملزم ارسل کاؤنٹر ٹیررزم ڈیپارٹمنٹ راولپنڈی آفس میں تعینات آفسیر سپر ڈنٹ سردار امتیاز علی کا بیٹا بتایا جاتا ہے جبکہ زخمی سابق ایس ایچ او گجرخان انسپکٹر ملک نواز کا بیٹا ہے۔
