امریکا میں4ہزار ڈالرزپالتو کتے نےنگل لیے لیکن مالک نے یہ رقم وصول کرنے کے لئے جو طریقہ استعمال کیا اس نے سب کو حیران کر دیا
امریکا کے شہر پٹسبرگ یہ نا قابل یقین واقعہ پیش آیا جہاں کے رہائشی کلیٹن لا کے کتے نے اس کے 4 ہزار مالیت کے ڈالر سے بھرا لفافہ نگل لیا مالک سے اتنا بڑا نقصان برداشت نہ ہوا اور رقم کی وصولی کے لیے اس نے حیران کن اقدام کیا۔
مقامی ذرائع کے مطابق کلیٹن لا اور اس کی اہلیہ کیری سے چار ہزار ڈالر کا نقصان برداشت نہ ہو سکا اور اس کی وصولی کے لیے انہوں نے کتے دو دن تک کی اُلٹیوں اور فضلات سے نوٹوں کو جمع کیا اور پھر اُن کی صفائی کر کے انہیں خشک کیا اور بڑی مشکل سے سیریل نمبر دیکھ کر جوڑا لیکن اس محنت کا انہیں صلہ پوری رقم وصول ہونے کی صورت میں مل گیا۔
مقامی میڈیا کو واقعے کی تفصیلات بتاتے ہوئے جوڑے کا کہنا تھا کہ وہ اپنے گھر پر مزدروں سے باڑ لگوا رہے تھے جن سے چار ہزار ڈالر مزدوری طے ہوئی تھی اور انہوں نے طے شدہ معاوضے کی رقم ایک لفافے میں رکھ کر کچن کاؤنٹر پر چھوڑ دی تھی۔
کیری کے مطابق جب وہ مزدوروں کا کام ختم ہونے کے بعد لفافہ لینے کچن میں واپس آئی تو لفافہ وہاں موجود نہیں تھا جب کہ یہ دیکھ کر وہ حیران رہ گئی کہ ان کا پالتو کتا سیسل نوٹوں کو چبا رہا تھا۔ کیری نے فوری طور پر اپنے شوہر کو بلایا اور پھر زمین پرپڑے ہوئے کرنسی نوٹو کو سمیت کر بڑی مشکل سے جوڑا تو وہ صرف 1500 ڈالرز تھے جس کا مطلب تھا کہ کتا 3500 ڈالر کھا چکا تھا۔
جوڑے کے مطابق یہ ہمارے لیے ایک خطیر رقم تھی اس لیے اس کو دوبارہ حاصل کرنے کے لیے ہم نے دو روز تک انتظار کیا اور اس دوران کُتے کی قے اور فضلے سے نوٹ جمع کرکے انہیں جوڑ کر اپنا نقصان پورا کیا
