کوئٹہ: بلوچستان کے مختلف شہروں میں موسلادھار بارشوں کا سلسلہ جاری ہے، بارشوں کے بعد سیلابی ریلوں نے تباہی مچادی ـ
ذرائع کے مطابق جعفرآباد اور نصیر آباد میں سیلاب متاثرین کھلے آسمان تلے امداد کے منتظر ہیں ،جب کہ نصیرآباد کے سیلاب زدہ علاقوں میں متاثرین کو تین دن سےخوراک کی شدید قلت کا سامنا درپیش ہے، اور انہیں علاج معالجے میں بھی مشکلات کا سامنا کرنا پڑ رہا ہے۔ دوسری طرف جھل مگسی میں رابطہ سڑکیں ٹوٹ پھوٹ کا شکار ہونے کی وجہ سے علاقہ مکینوں کو مشکلات کا سامنا کرنا پڑرہا ہے، قلعہ عبداللہ کی ماچکہ ندی شدید بارشوں کے باعث بپھر گئی جس سے باغات،فصلیں اور مکانات کو شدید نقصان پہنچا ہے جب کہ قلعہ سیف اللہ اور زیارت میں کئی سڑکیں، پُل اور گھربہہ گئے۔
دوسری جانب زیارت کوئٹہ شاہراہ پرٹریفک معطل ہے جب کہ سبی سے آنے والی گاڑی بیجی ندی میں بہہ گئی جس سے 2 افراد جاں بحق ہوگئے۔
