جڑواں شہروں اسلام آباد اور راولپنڈی میں موسلا دھار بارش کے بعد سڑکیں تالاب بن گئیں،وفاقی دارالحکومت کا نواحی علاقہ بارہ کہو کا علاقہ پانی میں ڈوب گیا، دوسری جانب نالہ لئی کے اطراف انخلا کا الرٹ جاری کر دیا گیا ۔
اسلام آباد: جڑواں شہروں میں طوفانی بارش وفاقی دارالحکومت کی مرکزی سڑکیں تالاب کا منظر پیش کرتی رہیں، بارش کے باعث نالہ لئی کے اطراف انخلا کا الرٹ جاری کر دیا گیا، نالہ لئی کے اطراف رہائش پذیر لوگوں کو محفوظ مقامات پر منتقل کرنے کی ہدایت کی گئی ہے ۔
اعداد و شمار کے مطابق ایچ ایٹ 98 ملی میٹر، سیدپور میں 45، گولڑہ 76، بوکرا 52، پی ایم ڈی 95، شمس آباد 28، کچہری 5، پیرودھائی 45، گوالمنڈی 5، نیو کٹاریاں 63 ملی میٹر بارش ریکارڈ کی گئی ۔
کٹاریاں کے مقام پر نالہ لئی کی سطح 15 اعشاریہ 7 فٹ تک پہنچ گئی، کٹاریاں میں بارش الرٹ اور پری الرٹ جاری کر دیا گیا، کٹاریاں میں الرٹ سطح 15.3 فٹ مقرر ہے، گوالمنڈی میں پری الرٹ سطح 8.3 فٹ مقرر ہے ۔
