ہری پور پولیس نے منشیات فروشوں کے خلاف کارروائی کے دوران ایک منشیات فروش کو گرفتار کر کے 2 کلو 550 گرام چرس برآمد کر لی۔
ہری پور پولیس کے مطابق ڈسٹرکٹ پولیس آفیسر فرحان خان کی ہدایت پر علاقے بھر میں منشیات فروشوں کے خلاف کارروائیوں کا سلسلہ جاری ہے۔
ایس ایچ او تھانہ سٹی اعجاز علی نے پولیس نفری کے ہمراہ کارروائی کرتے ہوئے شاہد محمود نامی ملزم کو گرفتار کر کے قبضہ سے 2 کلو 550 گرام چرس برآمد کر لی۔ ملزم کے خلاف منشیات ایکٹ کے تحت مقدمہ درج کر کے تفتیش شروع کر دی گئی ہے۔
