ہری پور پولیس نے منشیات فروشوں کیخلاف کارروائی کرتے ہوئے 3 منشیات فروشوں کو گرفتار کر کے 2 کلو سے زائد منشیات برآمد کر لی۔
ہری پور پولیس ذرائع کے مطابق ڈسٹرکٹ پولیس آفیسر فرحان خان کی ہدایت پر علاقے بھر میں منشیات فروشوں کے خلاف کارروائیوں کا سلسلہ جاری ہے، ایڈیشنل ایس ایچ او تھانہ سٹی میاں لیاقت کی سربراہی میں پولیس نفری نے کارروائی کرتے ہوئے اسد علی ولد امیر علی سکنہ نئی آبادی ریلوے سٹیشن اور ہیرہ ولد نصرت سکنہ مکھن کالونی کو گرفتار کر کے قبضہ سے 1 کلو 850 گرام ہیروئن برآمد کر لی۔
دوسری جانب ایڈیشنل ایس ایچ او تھانہ کھلابٹ ابرار خان نے پولیس نفری کے ہمراہ کارروائی کرتے ہوئے بابر خان نامی ملزم کو گرفتار کر کے قبضہ سے 185 گرام آئس برآمد کر لی۔
گرفتار ملزمان کے خلاف الگ الگ مقدمات درج کر کے تفتیش شروع کر دی گئی ہے۔
