گزشتہ تین روز سے ہری پور شہر اور گردونواح میں وقفے وقفے سے موسلادھار بارش کا سلسلہ جاری ہے۔
ذرائع کے مطابق بارش کی وجہ سے ندی نالوں اور دریاۓ دوڑ میں شدید طغیانی پیدا ہو گئی ہے۔ بارش کے باعث مین جی ٹی روڈ سمیت شاہراہ تناول جھیل کا منظر پیش کر رہی ہے۔ چھپر روڈ پر بارشی پانی دکانوں میں داخل ہونے لگا ہے، جس سے کاروباری حضرات کو شدید مشکلات کا سامنا کرنا پڑ رہا ہے۔اس کےساتھ ہی رابطہ سڑکیں متاثر ہونے کی وجہ سے شہریوں کو آمد و رفت میں دقت کا سامنا کرنا پڑ رہا ہے۔ تحصیل خانپور اور تحصیل غازی میں بھی موسلا دھار بارش کا سلسلہ جاری ہے، جس نے روزمرہ زندگی کو مفلوج کر کے رکھ دیا ہے۔
