ہری پور میں اپر و لوئر کوہستان کے ایڈیشنل سیشن جج پر مسجد میں داخل ہوتے ہوئے نامعلوم افراد نے فائرنگ کردی۔
ہری پور میں نامعلوم افراد نے فائرنگ کی۔جس کے باعث اپر و لوئر کوہستان کے ایڈیشنل سیشن جج محمد فرید شدید زخمی ہوگئے۔ذرائع کے مطابق چھوہر شریف میں ایڈیشنل سیشن جج محمد فرید کو نامعلوم افراد کی طرف سے فائرنگ کا نشانہ بنایا گیا ہے۔اس حادثے کے بعد ایڈیشنل سیشن جج کو زخمی حالت میں ٹراما سینٹر ہری پور سے ایبٹ آباد کی جانب ریفر کیا گیا ہے۔ذرائع کے مطابق پورے علاقے کی ناکہ بندی کردی گئی ہے۔اس کے ساتھ ہی پولیس نے ملزمان کی تلاش بھی شروع کردی ہے۔پولیس کے مطابق سیشن جج محمد فرید کو دو گولیاں لگی ہیں۔ان کی حالت نازک بتائی جارہی ہے۔
