ہری پور کے ڈی پی او محمد عمر خان اور ڈپٹی کمشنر خان محمد نے پولیو ٹیموں کے سکیورٹی انتظامات کے جائزے کی وجہ سے مختلف مقامات کا دورہ کیا۔ ہری پور پولیس کے مطابق دورے کے دوران انہوں نے بچوں کو پولیو کے قطرے پلائے اور پولیو ٹیموں کے سکیورٹی انتظامات کا تفصیلی جائزہ لیا۔
تفصیلات کے مطابق انھوں نے ڈیوٹی پر تعینات افسران و اہلکاروں کو ہدایات جاری کی گی کہ وہ ڈیوٹی کے دوران خوش اسلوبی کا مظاہرہ کرتے ہوئے الرٹ ہو کر فرائض کو سرانجام دیں۔ ان کا مزید کہنا تھا کہ اپنے بچوں کو پولیو کے قطرے پلوائیں۔ پولیو ٹیم کے ساتھ تعاون کرنے کی تلقین کی تا کہ پولیو مہم پر امن طریقے سے اختتام پذیر ہو سکے۔
